Ukrayna heyəti ABŞ-yə yollanıb, Rusiyaya qarşı sanksiyalar müzakirə ediləcək

Baş nazir Yuliya Sviridenkonun başçılığı ilə Ukrayna nümayəndə heyəti ABŞ-yə yollanıb.

"Report"un yerli KİV-ə istinadən verdiyi məlumata görə, bunu Ukrayna Prezidentinin ofisinin rəhbəri Andrey Yermak bildirib.

"Baş nazir Yuliya Sviridenkonun rəhbərliyi ilə nümayəndə heyətimiz Vaşinqtona yollanır. Həftə dolğun olacaq, qarşıda çox iş var", - o qeyd edib.

A.Yermakın sözlərinə görə, gündəlikdə Ukraynanın hava hücumundan müdafiə sisteminin və zərbə imkanlarının gücləndirilməsi, ölkənin enerji dayanıqlığının möhkəmləndirilməsi, həmçinin Rusiyaya qarşı sanksiyalar var.