Türkiyəni ötən il 62 milyondan çox turist ziyarət edib

Türkiyəni ötən il 62 milyon 269 min 890 turist ziyarət edib ki, bu da 2023-cü illə müqayisədə 9,8 faiz çoxdur.

“Report”un xəbərinə görə, Türkiyə 2024-cü ildə turizmdən 61,1 milyard dollar gəlir əldə edib ki, bu da ondan əvvəlki illə müqayisədə 8,3 faiz çoxdur.

Türkiyəyə ən çox Rusiya, Almaniya və Böyük Britaniyadan turistlər gəlib.

Türkiyəyə gələn beynəlxalq ziyarətçilər ölkədə orta hesabla 10,7 gün keçirib və bir ziyarətçidən əldə edilən gəlir 972 dolları təşkil edib.