Türkiyədə yandırılan faytonu söndürmək istəyənlərə atəş açılıb, ölən və yaralananlar var

Türkiyənin İzmir şəhərində yandırıldığı ehtimal edilən faytonu söndürmək üçün küçəyə çıxanlara atəş açılıb.

“Report” Türkiyə KİV-ə istinadən xəbər verir ki, hadisə Karşıkaya rayonunda baş verib.

Qeyd olunub ki, faytonu sahibi ilə aralarında mübahisə olan şəxslər yandırıb. Ardınca yanğının söndürülməsi üçün evdən çölə çıxanlara odlu silahdan atəş açılıb. Nəticədə bir nəfər ölüb, 5 nəfər yaralanıb.

Hadisə ilə bağlı 4 şübhəli saxlanılıb.