Türkiyədə minimum əməkhaqqı 8500 lirə olub

Türkiyədə minimum əməkhaqqı artırılaraq 8500 lirə (təqribən, 774 manat) olub.

“Report”un yerli bürosunun xəbərinə görə, Türkiyə Prezidenti Rəcəb Tayyib Ərdoğan bildirib ki, minimum əməkhaqqı 2023-cü ildən qüvvəyə minəcək.

Qeyd edək ki, keçən ilin müvafiq dövründə Türkiyədə 2022-ci il üçün minimum əmək haqqı 4253 lirə müəyyən edilmişdi. Ən son isə bu ilin iyulun 1-də Türkiyədə minimum əmək haqqı 5500 lirəyə qədər artırılmışdı.

Hazırda Türkiyədə bütün sahələrdə infilyasiya davam edir. 2023-cü ilin yanvar ayından isə qiymətlərdə 35-40 faiz daha bir artım proqnozlaşdırılır.