Türkiyədə ağır yol qəzası baş verib, xəsarət alanlar var

Türkiyənin Malatya şəhərində zəncirvari yol qəzası olub.

“Report” “Haber Global”a istinadən xəbər verir ki, hadisə Halfettin məhəlləsinə qeydə alınıb.

Biri yük maşını olmaqla yeddi avtomobilin iştirakı ilə baş vermiş qəzada altı nəfər yaralanıb.

Əraziyə xilasedicilər, təcili tibbi yardım və polis əməkdaşları cəlb olunub.

Xəsarət alanlar xəstəxanaya yerləşdirilib.

Hadisə ilə bağlı araşdırma davam edir.