Türkiyə prezidenti nazirlərin iclasını keçirəcək

Bakı. 20 iyul. REPORT.AZ/ Bu gün Türkiyə prezideni Rəcəb Tayyib Ərdoğanın rəhbərliyi ilə hökumət üzvlərinin toplantısı keçiriləcək. 

"Report" Türkiyə mətbuatına istinadən xəbər verir ki, nazirlərin iştirakilə keçiriləcək iclasda dövlət çevrilişinə cəhddən sonra atılacaq addımlar və digər məsələlər müzakirə ediləcək.       

Qeyd edək ki, bu gün həm də Türkiyə prezidenti Rəcəb Tayyib Ərdoğanın sədrliyi ilə ölkənin Təhlükəsizlik Şurasının toplantısı keçiriləcək.

Toplantıda müzakirəyə çıxarılacaq əsas məsələ dövlət çevrilişinə hərbi cəhddən sonra ölkədə yaranmış vəziyyət olacaq.

İclasın yerli vaxtla sat 11:00-da başlayacağı gözlənilir.