Türkiyə kəşfiyyatı PKK-nın liderlərindən birini zərərsizləşdirib

Türkiyənin Milli Kəşfiyyat İdarəsi PKK-nın liderlərindən olan Bedirhan Abini zərərsizləşdirib.

"Report" bu barədə "Anadolu" agentliyinə istinadən xəbər verir.

"Darav Gevda" kod adlı terrorçu İraqın şimalındakı Sincarda keçirilən əməliyyatda məhv edilib.

2011-ci ildə PKK sıralarına qatılan Abi təşkilat rəhbərliyi tərəfindən göndərildiyi Şırnak və Yüksekova bölgələrində terror fəaliyyətlərini davam etdirib. Türkiyədə olduğu müddətdə bəzi təhlükəsizlik qüvvələrinin şəhid olması ilə nəticələnən aksiyalara qatılıb.