Tasnim: İran Babül-Məndəb boğazı üçün real təhlükə yarada bilər

İran adalarına qarşı hərbi əməliyyatlar başlanarsa və ya münaqişə başqa cür məcra alarsa, Tehran digər cəbhə aça və ya Babül-Məndəb boğazı üçün real təhlükə yarada bilər.

"Report" xəbər verir ki, bu barədə İranın hərbi mənbəyi "Tasnim" xəbər agentliyinə bildirib.

"Əgər düşmən İran adalarında və ya torpaqlarımızın başqa yerlərində hərbi əməliyyatlar aparmaq və ya Fars körfəzindəki dəniz əməliyyatları vasitəsilə İrana zərər vermək istəsə, biz onun üçün başqa cəbhələr açacağıq", - deyə o əlavə edib.

Onun sözlərinə görə, Babül-Məndəb boğazı dünyanın strateji boğazlarından biri hesab olunur və İran ona çox real təhlükə yaratmaq qabiliyyətinə malikdir.