Şirin İbadi: "İranda hakimiyyətin devrilməsi üçün müxalifətin birləşməsi vacibdir"

İranda hakimiyyətin devrilməsi üçün başlıca şərt müxalifətin birləşməsindən asılıdır.

“Report” “Radiofarda"ya istinadən xəbər verir ki, bu barədə Nobel Sülh mükafatı laureatı, iranəsilli Şirin İbadi İrandakı vəziyyətlə bağlı müsahibəsində bildirib.

Onun sözlərinə görə, İranda məhkəmə sistemi o qədər zəhərlənib və korrupsiyaya bulaşıb ki, rüşvətsiz heç nə etmək mümkün deyildi.

Şirin İbadi hakimlikdən istefa verdikdən sonra vəkil olaraq lisenziya almaq üçün 7 il gözlədiyini bildirib.

O, 2002-ci ilin oktyabrında İranda insan hüquqları və demokratiya sahəsində fəaliyyətinə görə Nobel Sülh mükafatına layiq görülüb.