Saxlanılan sabiq vəkil Elman Paşayev həbsindən apellyasiya şikayəti verib

Xüsusilə külli miqdarda dələduzluqda şübhəli bilinərək saxlanılan keçmiş vəkil Elman Paşayev həbsindən apellyasiya şikayəti verib.

“Report” TASS-a istinadən xəbər verir ki, bu barədə Paşayevin noyabrın 15-dək həbsi barədə qərar çıxaran Moskva Qarnizonu Hərbi Məhkəməsindən bildirilib.

“Paşayevin apellyasiya şikayəti məhkəmədə qeydə alınıb”, - agentliyin həmsöhbəti qeyd edib.

Xatırladaq ki, Paşayev hərbi müstəntiqlər tərəfindən saxlanılıb və dələduzluqda ittiham olunur. İddiaya görə, o, bu pul qarşılığında Aleksey Blinovskiyə ailəsini vergidən yayınma halında cinayət məsuliyyətindən azad edəcəyinə söz verib.

Sentyabrın 18-də keçirilmiş qapalı iclasdan sonra hərbi məhkəmə Paşayevi iki ay müddətinə istintaq təcridxanasına göndərib. Günahı sübuta yetirilərsə, keçmiş vəkili 10 ilə qədər həbs cəzası gözləyir.