Gürcüstanın Konstitusiya Məhkəməsi prezidentin iddiasına baxacaq

Avqustun 29-da Gürcüstanın Konstitusiya Məhkəməsi Prezidentin və müxalifətin “Xarici agentlər haqqında" qanuna qarşı iddialarına baxmağa başlayacaq.

"Report"un Gürcüstan bürosu xəbər verir ki, bu barədə məhkəmənin mətbuat xidməti xəbər verir.

İclas yerli vaxtla saat 11:00-a təyin edilib.

Xatırladaq ki, Gürcüstan Konstitusiya Məhkəməsində qanunun ləğvi tələbi ilə dörd iddia qaldırılıb. Bunu Prezident Salome Zurabişvili, Gürcüstanın 121 QHT-si, müxalifətdən olan 38 parlament üzvü və jurnalistlər ediblər.