Rusiyada tikinti materialları bazarı yanır, bir nəfər yaralanıb

Rusiyanın Moskva vilayətinin Balaşixe rayonunda yerləşən "Stroypark" Ticarət Mərkəzində yanğın nəticəsində gözətçi xəsarət alıb.

“Report” xəbər verir ki, məlumatı "Mash" teleqram kanalı yayıb.

Məlumata görə, ticarət mərkəzinin yaxınlığındakı açıq sahədə tikinti materialları yanır.

Eyni zamanda yanğın binanın birinci mərtəbəsinə də keçib.

Hazırda yanğının söndürülməsi istiqamətində işlər davam etdirilir.

Hadisənin səbəbləri araşdırılır.