Rusiya silahlılarının Ukraynanın Xerson vilayətində təxliyə bölgəsinə atəş açması nəticəsində 8 nəfər yaralanıb

Rusiya silahlıları Ukraynanın Xerson vilayətində əhalinin təxliyə edildiyi ərazilərə atəş açır.

“Report”un Şərqi Avropa bürosunun əməkdaşının Xersondan verdiyi xəbərə görə, atəş nəticəsində içərilərində könüllü xilasedicilərin də olduğu 8 nəfər yaralanıb.

Məlumata görə, Rusiya hərbçiləri birbaşa evlərə atəş açır.

Qeyd edək ki, iyunun 6-da Xerson vilayətində Kaxovka SES-in bəndlərindən biri partladılıb. Bu hadisə ilə bağlı yerli sakinlər fəlakət bölgəsindən təxliyə olunur.