Rəsmi Ankara: Türkiyə və Aİ Qafqazda koordinasiyalı davranmalıdır

Türkiyə və Avropa İttifaqı (Aİ) Qafqazda koordinasiyalı davranmalıdır.

“Report” xəbər verir ki, bunu Türkiyənin xarici işlər naziri Hakan Fidan ölkənin xarici siyasəti ilə bağlı çıxışında deyib.

O bildirib ki, Türkiyə və Aİ-nin bir çox regionlarda, o cümlədən Qafqazda təsir imkanları var: “Biz mövqelərimizi yaxınlaşdırmağa çalışmalıyıq”.

H.Fidan söyləyib ki, Türkiyə xarici siyasətinin əsas özəlliklərindən biri də qarşı tərəfin maraqlarının nəzərə alınmasıdır: “Biz bir çoxundan fərqli olaraq öz maraqlarımızı diktə etmirik”.