Vladimir Putin: “Dağıstandakı hadisələr ilə Rusiyanı daxildən sarsıtmaq istəyirdilər”

"Dağıstandakı hadisələr ilə Rusiyanı daxildən sarsıtmaq istəyirdilər”.

"Report" Rusiya KİV-ə istinadən xəbər verir ki, bu barədə Rusiya Prezidenti Vladimir Putin bildirib.

“Biz buna diqqət yetirməli və Rusiya Federasiyasının qanunlarına uyğun olaraq lazımi cavab verməliyik”, - o vurğulayıb.

Qeyd edək ki, Rusiya İstintaq Komitəsi Dağıstandakı iğtişaşlarda fəal iştirak edən 20-dən çox şübhəli şəxsi müəyyənləşdirib.

Xatırladaq ki, oktyabrın 29-da axşam saatlarında Mahaçqala hava limanında kütləvi iğtişaşlar baş verib. Təl-Əvivdən gələn təyyarənin Mahaçqala aeroportunda enişindən sonra bir qrup şəxs uçuş zolağına çıxıb. Onlar ölkəyə gələn yəhudilərin çıxarılmasını tələb ediblər.