Paşinyana attaşeləri təyin etmək səlahiyyəti verilib

Ermənistan parlamentinin Xarici Əlaqələr Daimi Komitəsi ikinci oxunuşda baş nazirə lazım gəldikdə səfirliklərdə fəaliyyət göstərəcək hərbi və ticarət attaşelərini təyin etmək imkanı verən layihəni təsdiqləyib.

“Report” xəbər verir ki, bu barədə “Novosti-Armenia” məlumat yayıb.

Dəyişikliklərə əsasən, attaşelərin müavinləri və köməkçiləri ola bilər.

Bundan əlavə, kadr ehtiyatına mövcud vakant vəzifələr üzrə müsabiqələrdə qalib gəlmiş, lakin heç vaxt vəzifəyə təyin olunmamış şəxslər də daxil ediləcək.