Paşinyan: Müharibəni uduzduq və buna görə məsuliyyət daşıyırıq

"Əgər biz satqınıqsa, onda bu insanlar burda neynir, dinləməyə gəliblər ki, görsünlər nə danışırıq. Bu insanların hamısını bura gəlməyə nə məcbur etdi? Onlar bura pul üçün gəldilər? Məcburiyyət üzündən? Təhlükələrə görə? Polis onları gətirib çıxardı?".

“Report” xəbər verir ki, bu sözləri Ermənistanın baş naziri vəzifəsini icra edən Nikol Paşinyan Lori əyalətinin Spitak şəhərində tərəfdarları ilə görüşündə deyib.

“Şübhəsiz, biz müharibəni uduzduq və bu məğlubiyyətə görə məsuliyyət daşıyırıq, amma biz insanların gözlərinə baxmaq haqqını saxladıq", - Paşinyan vurğulayıb.