Novosibirsk aeroportunda 20-dən çox reys gecikir

Rusiyanın Novosibirsk şəhərindəki Tolmaçevo hava limanına 22 reysin gəlişi gecikir.

“Report” Rusiya KİV-lərinə istinadən xəbər verir ki, məlumatlar hava limanının rəsmi saytının tablosunda görünüb.

Tablo məlumatlarına görə, Norilsk, Barnaul, Surqut, Samara, Moskva, Omsk, Ulan-Ude, Bratsk, Blaqoveşşensk, Talakan, Kızıl, Maqadan, Mirnıy və Yeni Urenqoydan olan reyslərdə gecikmələr var. Həmçinin Freqan və Dubaydan olan iki beynəlxalq reys də gecikir.

Bundan əlavə, bir neçə reys - İrkutsk, Abakan, Nijnevartovsk və Yekaterinburqdan olan reyslər ləğv edilib.