KİV: "Vaqner” şəxsi heyətinin 3/4-nü itirib

Rusiyanın “Vaqner” Xüsusi Hərbi Şirkəti Ukraynanın Donetsk vilayətinin Baxmut şəhərinə hücum nəticəsində şəxsi heyətinin 3/4-nü itirib.

"Report" "İnsayder"ə istinadən xəbər verir ki, bu barədə şirkətin komandirlərindən biri bildirib.

Onun sözlərinə görə, “Vaqner”in 78 000 döyüşçüsü olub. Onlardan 49 minini məhbuslar, 29 minini peşəkar və könüllülər təşkil edib.

Məlumata görə, “Vaqner”in şəxsi heyətinin 22 mini döyüşlərdə ölüb, 40 mini isə ağır yaralanıb. Belarusa 10 000 döyüşçü gedib, 15 min isə məzuniyyətdədir.