Türkiyədə restoranda partlayış zamanı 5 nəfər ölüb, 63 nəfər yaralanıb - YENİLƏNİB

Türkiyənin İzmir şəhərininin Torbalı rayonunda restoranda baş verən partlayış nəticəsində 5 nəfər ölüb.

Bu barədə “Report” yerli mətbuata istinadən xəbər verir.

Məlumata görə, hadisə zamanı daha 63 nəfər yaralanıb.

Hadisə yerinə təcili yardım, xilasedicilər və polis əməkdaşları cəlb olunub. Polis partlayışın baş verdiyi restoranın qarşısında təhlükəsizlik tədbirləri görüb.

Partlayış nəticəsində ətrafdakı 11 binaya da ziyan dəyib.

Türkiyənin İzmir şəhərinin Torbalı rayonunda un məmulatları mağazasında baş vermiş partlayış nəticəsində üç nəfər ölüb.

“Report” “Yeni Şafak”a istinadən xəbər verir ki, hadisə yerli vaxtla 15:00 (Bakı vaxtı ilə 16:00) radələrində olub.

Olayda ölən üç nəfərlə yanaşı xeyli insanın yaralandığı bildirilir. Yerli KİV yaralı sayının azı 16 nəfər olduğunu bildirsə də, məlumat hələlik təsdiqini tapmayıb.

Partlayış səbəb qaz sızması olduğu güman edilir.

Hadisə yerinə çox sayda təcili tibbi yardım briqadaları cəlb olunub.