İsveç şirkəti “Saab” Ukraynada silah istehsalına başlamaq niyyətindədir

İsveç silah istehsalçısı “Saab” 2025-ci ildə Ukrayna bazarına daxil ola bilər.

"Report" xəbər verir ki, bunu "Saab"ın baş direktoru Mikael Yohansson "Sveriges Radio"nun efirində deyib.

“Saab”ın Ukraynada silah istehsalına başlaması üçün münaqişənin bitməsini gözləmək vacib deyil. Biz prosesdəyik. Ukraynada yerləşmək və Ukrayna şirkətləri ilə əməkdaşlıq etmək istərdik", - o bildirib.

M.Yohanssonun sözlərinə görə, hazırda şirkətin vəzifəsi münasib tərəfdaşlar tapmaqdır.