İrəvanda yanğında həlak olan hərbçilərin valideynləri yenidən etiraz aksiyası keçirib

İrəvanın Respublika meydanında Qeqarkunik vilayətinin Azat kəndində kazarmada baş vermiş yanğın nəticəsində həlak olan hərbçilərin yaxınları etiraz aksiyası keçiriblər.

“Report” Ermənistan KİV-ə istinadən xəbər verir ki, onlar hakimiyyətindən hadisənin obyektiv araşdırılmasını tələb ediblər.

“Biz baş verənlərlə bağlı rəsmi versiyaya inanmırıq. Onlar bu problemi həll etməsələr, biz başqa tədbirlər görəcəyik”, - həlak olan hərbi qulluqçulardan birinin qohumu bildirib.

Onun sözlərinə görə, hüquq-mühafizə orqanları tərəfindən təsdiq edilmiş versiya çərçivəsində iş aparılır, heç bir real araşdırma aparılmır.

Qeyd edək ki, 2023-cü il yanvarın 19-da Azat kəndinəki hərbi hissədə yanğın baş verib. Nəticədə 15 hərbçi ölüb.