İranda neft emalı zavodunun fəhlələri tətil edib

İranın Abadan şəhərindəki Neft Emalı zavodunda işləyən fəhlələr aprelin 21-də iş yerlərində tətil keçiriblər.

“Report” xəbər verir ki, tətil zavodda fəaliyyət göstərən “Eliksir Sanat” Layihə şirkətinin işçilərinin mərkəzi aparatı tərəfindən elan edilib.

Bildirilib ki, etiraz aksiyasına səbəb fəhlələrə 2023-cü ildə əməkhaqqı artımı ilə bağlı vədin yerinə yetirilməməsidir.