İran XİN başçısı türkiyəli həmkarını yeni əməliyyatın olmayacağına əmin edib

İranın xarici işlər naziri Hüseyn Əmir Abdullahiyan türkiyəli həmkarı Hakan Fidan ilə telefonla danışıb.

"Report" xəbər verir ki, bu barədə Türkiyə XİN-ə yaxın mənbə məlumat yaylb.

İran XİN başçısı deyib ki, Tehran İsrailə qarşı yeni əməliyyatlar planlaşdırmır:

"İsrailə qarşı əməliyyat başa çatıb və İrana hücum olunmayınca yeni əməliyyata başlamayacaq. İran yenidən hücuma məruz qalsa, daha sərt cavab verəcək", - mənbə bildirib.