İran sabah 8-ci prezidentini seçəcək

Sabah İranda 13-cü dəfə prezident seçkisi keçiriləcək.

“Report” “Mehr” agentliyinə istinadən xəbər verir ki, bu gün ölkə üzrə sükut günüdür.

Bildirilib ki, COVID-19 səbəbindən səsvermə sosial məsafə və gigiyenik tədbirlər gözlənilməklə keçiriləcək.

Səsvermə saat 07.00-da başlayacaq 00.00-da başa çatacaq. Əgər ehtiyac olarsa, Ali Seçki Təşkilatı səsverməni iyunun 19-da saat 02.00-a qədər uzadıla bilər.

Məlumata görə, İranda 59 milyon 310 min 307 seçici var. Bu il 1 milyon 392 min 148 nəfər ilk dəfə səsvermədə iştirak edəcək.

Rəsmi olmayan məlumata əsasən, 3,5 milyon seçici ölkə xaricində səs verəcək.

Bildirilib ki, prezidentliyə namizədlərin sayı 4-ə enib. Möhsün Mehrəlizadə, Əlirza Zakani və Səid Cəlili namizədliklərini geri götürüb.

İranın 8-ci prezidenti olmağa namizədlər bunlardır: Məhkəmə sədri İbrahim Rəisi, İnqilab Keşikçiləri Qvardiyasının keçmiş komandanı, Məsləhət Şurasının baş katibi Möhsün Rzai, deputat Əmirhüseyn Kadızadə-Haşimi, Mərkəzi Bankın keçmiş direktoru Abdünnasir Himməti.

Səsverməni ilkin nəticələrinin iyunun 19-da açıqlanacağı gözlənilir.