İran Prezidenti: Kənar qüvvələrin iştirakı regionda sabitliyi poza bilər

Bölgədə regiondankənar qüvvələrin iştirakı sabitliyi poza bilər.

“Report” Rusiya KİV-lərinə istinadən xəbər verir ki, bunu İran Prezidenti Məsud Pezeşkian Moskvada Rusiya Prezidenti Vladimir Putinlə danışıqlar zamanı bildirib.

"Hesab edirik ki, bölgənin problemləri yalnız regional ölkələr arasında razılaşmalar vasitəsilə həll edilməlidir. Bizim bölgədə regiondankənar qüvvələrin iştirakı yalnız vəziyyəti ağırlaşdıra və sabitliyi poza bilər", - M.Pezeşkian bildirib.