İran Hind okeanı hövzəsinə daxil ölkələrin iştirakı ilə birgə təlim keçirəcək

İran Hərbi Dəniz Qüvvələrinin Cənub Donanmasının bazasında birgə təlim keçiriləcək.

“Report” xəbər verir ki, məlumatı “Mehr” agentliyi yayıb.

İnformasiyaya əsasən, “IMEX 2024” dəniz təliminin əsas mərhələsi yaxın günlərdə Hind okeanı hövzəsinə daxil bir sıra ölkələrin iştirakı ilə keçiriləcək.

Təlimi İran Hərbi Dəniz Qüvvələrinin Cənub Donanması təşkil edəcək.

Məlumata görə, bu hərbi tədbirin məqsədi regionda dayanıqlı kollektiv təhlükəsizliyi və əsaslarını gücləndirmək, iştirakçı ölkələr arasında çoxtərəfli əməkdaşlığı genişləndirmək, həmçinin bu ölkələrin sülhə birgə dəstək vermək istiqamətində xoş niyyətini və imkanlarını nümayiş etdirməkdir.