İran ETTELAAT-ı qaşqay türkünü həbs edib

İran Kəşfiyyat, İnformasiya və Təhlükəsizlik Nazirliyinin əməkdaşları qaşqay türkü fəal doktor Mehdi Munirnejadı həbs edərək naməlum istiqamətə aparıb.

“Report” xəbər verir ki, bu barədə məlumatı “Azad İran” yayıb.

Bildirilib ki, o, Siraz əyalətinin Firuzabad şəhərində həbs edilib.

Qeyd edək ki, qaşqaylar Azərbaycan türklərinin bir qoludur. Onlar daha çox köçəri həyat yaşayırlar. İranda milli hüquqlarının təminin uğrunda mübarizə aparırlar. İrana hakim olan panfarsçı siyasi-ideologiya onları Azərbaycan türklərindən ayıraraq ayırıca etnos, bəzən farsların bir qolu kimi təqdim etməyə çalışıb. Bu səbəbdən onları assimilyasiya etmək üçün bütün təzyiq və təqib vasitələrinin tətbiq edir.