Gürcüstanın baş naziri Putini yanlış interpretasiyada ittiham edib

"Biz faktların kökündən yanlış interpretasiyasını eşitdik".

"Report"un yerli bürosu xəbər verir ki, bunu Gürcüstanın baş naziri Mamuka Baxtadze Rusiya prezidenti Vladimir Putinin ötən gün Abxaziya və Cənubi Osetiyanın tarixi lə bağlı səsləndirdiyi fikirlərə münasibət bildirərkən deyib.

Onun sözlərinə görə, Gürcüstan tarixi ilə fəxr edir: "Gün gələcək biz abxaz və osetin qardaşlarımızla vahid və güclü dövlət quracağıq".

M.Baxtadze qeyd edib ki, Gürcüstan tarixi Avropa tarixinin bir hissəsidir: "Avropalılar və dünya ictimaiyyəti bizim tariximiz barədə yaxşı və ətraflı biliklərə malikdirlər".