Gürcüstanda son sutkada koronavirusdan 73 nəfər ölüb

Gürcüstanda ötən sutkada koronavirusa 4 031 yeni yoluxma halı qeydə alınıb, 4 585 nəfər müalicə olunaraq sağalıb, 73 pasiyent vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Hazırkı dövrədək qonşu ölkədə COVID-19 infeksiyasına 536 202 nəfər yoluxub. Onların 473 502-si sağalıb, 7 101-i isə ölüb.