Fidan: Türkiyə və ABŞ bir-birinə ehtiyacı olan ölkələrdir

Türkiyə və ABŞ həm regionda, həm də bütövlükdə dünyada bir-birinə ehtiyacı olan ölkələrdir.

“Report”un məlumatına görə, bu fikirləri Türkiyənin xarici işlər naziri Hakan Fidan yerli və beynəlxalq media nümayəndələri üçün keçirilən brifinqdə deyib.

H.Fidan bildirib ki, iki ölkə arasında münasibətlərdə bütün istiqamətlər üzrə irəliləyiş müşahidə olunur.

“ABŞ-nin yeni hakimiyyəti ilə də bu istiqamətdə açıq dialoqa əsaslanan münasibətlərimizi davam etdirəcəyik”, - o əlavə edib.