Ermitaj təhlükəsizliyə təhdid səbəbindən bağlanıb

Ermitaj (Rusiya) muzeyi təhlükəsizliyə təhdidlə bağlı anonim məlumat səbəbindən ziyarətçilər üçün müvəqqəti olaraq bağlanıb.

"Report" xəbər verir ki, bu barədə muzeyin teleqram kanalında bildirilib.

"Aprelin 15-də Ermitaja təhlükəsizlik rejiminə təhdid edən anonim məlumat daxil olub. Binalara giriş müvəqqəti olaraq bağlanıb, ekspozisiya zalları və xidməti otaqlar yoxlanılır", - məlumatda qeyd olunub.

Muzeydən bildirilib ki, aprelin 15-i üçün alınmış biletlər başqa gün və ya yoxlama başa çatdıqdan sonra etibarlı olacaq.