Ermənistanda hərbi hissədə silahlı insident olub, 1 hərbçi ölüb, 2-si yaralanıb

Ermənistanda hərbçi əsgər yoldaşını güllələyərək öldürüb.

“Report” “Aysor”a istinadən xəbər verir ki, məlumatı ölkənin Müdafiə Nazirliyi yayıb.

Hadisə Ermənistanın cənubunda yerləşən hərbi hissələrdən birində baş verib.

Kimliyi açıqlanmayan əsgərin açdığı atəş nəticəsində 2002-ci il təvəllüdlü Senik Arzumanyan ölüb, daha 2 hərbçi yaralanıb.

Hadisənin təfərrüatı araşdırılır.