Ermənistan XİN rəsmisi: "Azərbaycanlıların qayıdışı danışıqların gündəliyində yoxdur"

“Azərbaycanlıların (qərbi azərbaycanlıları -red.) Ermənistana qayıdışı məsələsi sülh müqaviləsi üzrə danışıqların gündəliyində yoxdur”.

“Report” xəbər verir ki, bunu Ermənistan xarici işlər nazirinin müavini Mnasakan Safaryan noyabrın 23-də parlamentdə jurnalistlərə müsahibəsində bildirib.

O, qərbi azərbaycanlıların Ermənistana qayıdışı məsələsinin Azərbaycan tərəfindən qaldırılmasını “qeyr-konstruktiv yanaşma” adlandırıb.

Xatırladaq ki, ötən əsrin 80-ci illərinin sonlarından 300 minə yaxın soydaşımız öz yurdlarından zorla qovularaq Ermənistan vətəndaşlığından məhrum ediliblər.