Ermənistan Niderlandla strateji tərəfdaşlıq haqqında bəyannamə imzalayıb

Ermənistan və Niderland strateji tərəfdaşlıq haqqında bəyannamə imzalayıblar.

“Report” erməni KİV-ə istinadən xəbər verir ki, bu barədə xarici işlər naziri Ararat Mirzoyan İrəvanda niderlandlı həmkarı Kaspar Veldkamp ilə danışıqlardan sonra jurnalistlərə bildirib.

A.Mirzoyan bunu ikitərəfli münasibətlərdə "yeni mərhələ" adlandırıb.

Bəyannamə siyasi və iqtisadi dialoqdan əlavə, Cənubi Qafqazda sülhün möhkəmləndirilməsi, regional və beynəlxalq nəqliyyat kommunikasiyalarının aktivləşdirilməsi istiqamətində birgə səyləri nəzərdə tutur.

Nazir bəyannamənin digər bir komponenti kimi kibertəhlükəsizliyin təmin edilməsi, hibrid təhdidlərə qarşı mübarizə üzrə birgə tədbirləri qeyd edib.