Ermənistan baş nazirinin müavini: Rusiya ilə aramızda həlli vacib olan problemlər var

Ermənistanla Rusiya arasındakı münasibətlərdə problemlər var. İki ölkə onları həll etməyə çalışmalıdır.

“Report” Ermənistan mətbuatına istinadən xəbər verir ki, bunu jurnalistlərə açıqlamasında Ermənistan baş nazirinin müavini Mher Qriqoryan deyib.

“Ermənistan-Rusiya münasibətlərində problemlər var. Amma hesab edirəm ki, biz tarazlığı saxlamalı və bütün maneələri aradan qaldırmağa çalışmalıyıq”, - o bildirib.

M.Qriqoryan qeyd edib ki, izahı tam verilməyən bir çox problemlər meydana çıxır. “Hesab edirəm ki, biz problemləri anlamağa və düzgün qərarlar qəbul etməyə çalışmalıyıq”, - o əlavə edib.