Ukraynanın Azərbaycandakı səfiri çexiyalı həmkarı ilə Ukrayna üzrə Sülh Sammitini müzakirə edib

Ukraynanın Azərbaycandakı səfiri Yuri Qusyev çexiyalı həmkarı Milan Sedlaçeklə qarşıdakı Ukrayna üzrə Sülh Sammitini müzakirə edib.

“Report” xəbər verir ki, bu barədə ukraynalı diplomat sosial şəbəkədə bildirib.

“Çexiyanın Azərbaycandakı səfiri Zati-aliləri cənab Milan Sedlaçek ilə məhsuldar görüş keçirdim. [Görüşdə] Ukrayna-Çex Respublikası əlaqələrinin inkişafı və sabah İsveçrənin Bürgenştok şəhərində keçiriləcək Qlobal Sülh Sammiti ətrafında fikir mübadiləsi aparılıb”, – Qusyev qeyd edib.

Xatırladaq ki, İsveçrə Konfederasiyasının Prezidenti Viola Amherdin təşkilatçılığı ilə keçiriləcək Ukrayna üzrə Sülh Sammiti 15-16 iyun tarixlərində “Bürgenstock Resort” hotelində baş tutacaq.