Ararat Mirzoyan MDB XİN Şurasının iclasında iştirak etməyəcək

Ermənistanın xarici işlər naziri Ararat Mirzoyan MDB Xarici İşlər Nazirləri Şurasının Minskdə keçiriləcək iclasında iştirak etməyəcək.

“Report” xəbər verir ki, bu barədə “Sputnik Ermənistan”a Ermənistan Xarici İşlər Nazirliyinin mətbuat katibi Ani Badalyan məlumat verib.

“Mirzoyan MDB üzvü olan ölkələrin Xarici İşlər Nazirləri Şurasının aprelin 12-də Minskdə keçiriləcək iclasında iştirak etməyəcək”, - deyə o bildirib.

Qeyd edək ki, bundan əvvəl Ermənistan MDB ölkələrinin İqtisadi Şurasının Moskvada keçiriləcək 101-ci iclasına yüksək səviyyəli nümayəndə heyətini göndərməkdən imtina edib.