Zabux sakini: “Arzum bütün kəndlilərimizi yerində görüb yenidən sevinməkdir”

“Arzum bütün kəndlilərimizi yerində görüb yenidən sevinməkdir. Elə təəssürat yaranıb ki, orada olanda cavanlaşacağam”.

“Report” xəbər verir ki, bunu Laçın rayonunun Zabux kəndinə qayıdan Simayə Abbasova bildirib.

“31 ildən sonra qayıdıram. El-obama qovuşacağam. Neçə illərdən sonra bizə bu imkanı yaratdığına görə möhtərəm Prezidentə təşəkkürümü bildirirəm. Çox çətinliklər çəkdik, lakin sonda sevindik. Gələndə yoldaşım, oğlumla idim. Ancaq indi onlar yoxdur, yeznəmi, bacımı, qardaşımı, atamı, anamı – hamısını itirdim”, - keçmiş məcburi köçkün vurğulayıb.

Xatırladaq ki, bu gün, avqustun 25-də, Laçın rayonunun Zabux kəndinə ilk köç başlayıb.