Yulian Çifu: "Aİ ermənilərin Azərbaycan cəmiyyətinə inteqrasiyasına kömək edə bilər"

“Hazırda erməni mənşəli Azərbaycan vətəndaşlarının cəmiyyətə yenidən inteqrasiyasının lazım olduğu çətin bir dövr başlayır. Məhz bu məsələdə Avropa İttifaqı öz köməyini göstərə bilər”.

Bu fikirləri “Report”a Bakıda yeni Hərbi Qənimətlər Parkını ziyarət etmiş Münaqişələrin Qarşısının Alınması və Erkən Xəbərdarlıq Mərkəzinin prezidenti Yulian Çifu bildirib.

Ekspert həmçinin Azərbaycan Prezidenti İlham Əliyevin ADA Universitetində keçirilmiş “Cənubi Qafqaza yeni baxış: münaqişədən sonra inkişaf və əməkdaşlıq” adlı beynəlxalq konfransda çıxışını şərh edərkən, prezidentin müdrik cavablarını qeyd edib və bildirib ki, o, ekspertlərin bütün suallarına cavab verdi.