Britaniyalı səyyah: Qarabağ hadisələri Qərbdə kifayət qədər işıqlandırılmır

Qarabağ bölgəsində baş verən hadisələr Qərbdə kifayət qədər işıqlandırılmır.

"Report"un Şuşa şəhərinə ezam olunmuş müxbirinin verdiyi məlumata görə, bunu jurnalistlərə Böyük Britaniyadan olan səyyah Dominik Hikki deyib.

“Burada baş verənləri öz gözlərimizlə görmək bizim üçün vacibdir, çünki bundan əvvəl baş verənlərlə bağlı çox az məlumat almışıq”, - o bildirib.

Səyyah azad edilmiş ərazilərdə aparılan bərpa işlərinin tempindən təsirləndiyini söyləyib.

"Gələcəkdə məmnuniyyətlə bura qayıtmaq istərdim. Yəqin ki, artıq yaxın bir neçə ildə burada daha çox turist və bu bölgəyə daha çox maraq görə biləcəyik", - o əlavə edib.