Bakıda start götürən BMX velosipedi üzrə dünya çempionatından maraqlı anlar - FOTOREPORTAJ

Bakı. 5 iyun. REPORT.AZ/ Bakıda velosiped idmanının BMX növü üzrə dünya çempionatı start götürüb.

"Report"un məlumatına görə, iyunun 9-dək davam edəcək nüfuzlu yarışda planetin 43 ölkəsinin 1500-dən artıq idmançısı mübarizə aparır.

Dünya çempionatında Azərbaycan 8 idmançı ilə təmsil olunacaq. “Challenge” kateqoriyasında yarışacaq velosipedçilərdən Xəyal İbrahimov, Soltan İsrafilov və Justinas Pavlovas mübarizəyə iyunun 6-da qoşulacaqlar. İyunun 7-də Orxan Məmmədov, Vüqar Nəsibov, Kənan Babayev və Yelmar Şahmarzadə çıxış edəcəklər. 

Elit kateqoriyasında yarışacaq Aqşin İsmayılov isə iyunun 8-də start xəttinə çıxacaq.