Azərbaycanın ilk beynəlxalq televiziya kanalı CBC-nin 10 yaşı tamam olur

Bu gün CBC (Caspian Broadcasting Company) telekanalının yaranma günüdür.

“Report” xəbər verir ki, telekanalın 10 yaşı tamam olur.

CBC 2013-cü il aprelin 10-da peyk vasitəsilə yayıma çıxan Azərbaycanın ilk beynəlxalq televiziya kanalıdır.

Rus dilində 24 saat fasiləsiz yayım edən televiziya kanalı ölkədə və dünyada baş verən hadisələri operativ şəkildə izləyicilərə çatdırır.

Telekanaldan əlavə 2021-ci ilin may ayından etibarən Azərbaycanın Qarabağ bölgəsində ilk regional radio kanalı CBC FM Azərbaycan, rus və erməni dilində fəaliyyət göstərir.