Xalq rəssamı: "Binalar tikilir, amma orada rəssam işi görünmür"

"Binalar tikilir, amma orada rəssamın işi görünmür".

"Report" xəbər verir ki, bunu Xalq rəssamı Hüseyn Haqverdiyev Azərbaycada ilk dəfə keçirilən "Mədəni İrs" forumunun panel müzakirəsi zamanı deyib.

Xalq rəssamının fikrincə, tədbirlər keçirilir, amma daha çox iş görmək mümkündür: "Sizi inandırım ki, emalatxanda işlər toplanıb qalıb. Amma tamaşaçılar onları, rəssamların zəhmətini görmür. Məncə, bu, çox vacib məsələdir. Fikrimcə, çoxlu müsabiqələr keçirmək olar. İdeyalar var, amma onlar emalatxanalarda qalır, üzə çıxmır, onları üzə çıxartmaq lazımdır".