Şahin Seyidzadə: "İçərişəhərdə əhali azalmayıb"

"İçərişəhər" Dövlət Tarix-Memarlıq Qoruğu İdarəsinin İdarə Heyətinin sədri Şahin Seyidzadə son illər ərzində İçərişəhərdə əhalinin azalmadığını bildirib.

"Report" xəbər verir ki, o, Azərbaycanda ilk dəfə keçirilən "Mədəni irs" forumunun ikinci günündə çıxışı zamanı İçərişəhərdə turizm şəraiti yaratmaqla sakinlərin məmnunluğunu saxlamağın əsas prioritet məsələlərdən olduğunu söyləyib:

"İçərişəhərdə əhalinin yaşadığı binaların 85 %-i tarixi abidədir. Burada ən xırda pəncərənin dəyişdirilməsinə belə ciddi nəzarət var. İçərişəhər yaşayış məkanıdır və sakinlərlə çox sıx işləyirik. Son illər ərzində İçərişəhərdə əhali azalmayıb".