Bu gün Cəmil Fərəcovla vida mərasimi keçiriləcək

Azərbaycan Kinematoqrafçılar İttifaqının katibi, Əməkdar incəsənət xadimi, kinorejissor Cəmil Fərəcovla vida mərasimi 2 avqust saat 11-də Təzə Pir Məscidində olacaq.

"Report" xəbər verir ki, bu barədə Azərbaycan Kinematoqrafçılar İttifaqı məlumat yayıb.

Mərhumun cənazəsi "Qurd qapısı" qəbiristanlığında torpağa tapşırılacaq.

Qeyd edək ki, Əməkdar incəsənət xadimi, Azərbaycan Kinematoqrafçılar İttifaqının katibi Cəmil Fərəcov avqustun 1-də 77 yaşında vəfat edib. O, uzun sürən xəstəlikdən sonra dünyasını dəyişib.

Cəmil Əliqulu oğlu Fərəcov 13 fevral 1946-cı ildə Bakıda anadan olub. Azərbaycan Neft və Kimya İnstitutunu, Leninqrad Dövlət Teatr, Musiqi və Kinematoqrafiya İnstitutunun rejissorluq fakültəsini bitirib. 1970-ci ildən "Azərbaycanfilm" kinostudiyasında rejissor işləyib.