Gürcüstandan olan soydaşımız Praqada festivalda "Gran-Pri" mükafatına layiq görülüb

Gürcüstanın Marneuli rayonundan olan soydaşımız, gənc ifaçı Şaban Məmmədov Çexiyanın Praqa şəhərində keçirilən “Praqa Milad Ulduzları 2023” XXXIX Beynəlxalq Xalq Rəqsləri və Musiqisi Müsabiqə-Festivalında "Qran-pri" mükafatına layiq görülüb.

"Report"un yerli bürosu xəbər verir ki, festivalda müxtəlif ölkələrdən yüzlərlə gənc iştirak edib.

Soydaşımız Şaban Məmmədov müsabiqənin ən yüksək mükafatını alıb.

Xatırladaq ki, Marneuli Mədəniyyət Mərkəzinin solisti olan Şaban Məmmədov artıq bir neçə dəfə xarici ölkələrdə Gürcüstanı təmsil edərək yüksək mükafatlara layiq görülüb. Qeyd edək ki, Şaban Məmmədov 2-ci qrup əlildir.