Bəşir Səfəroğlunun yubileyi Rusiya, Türkiyə və ABŞ-da qeyd olunacaq

Bakı. 4 fevral. REPORT.AZ/ Azərbaycanın xalq artisti, görkəmli aktyor Bəşir Səfəroğlunun 90 illik yubileyi münasibətilə mart ayından etibarən tədbirlərə start veriləcək.

Bu barədə "Report" a onun qızı, xalq artisti Afaq Bəşirqızı bildirib.

"Martın 11-də Bəşir Səfəroğlunun doğum günüdür. Həmin gün atamın xatirəsini qəbirüstü anımla yad edəcəyik. Martın 17-də Moskvada, martın 24-də isə Türkiyədə yubiley tədbirləri keçiriləcək. Bakıda təntənəli yubiley tədbiri oktyabrda olacaq", - o deyib.

A.Bəşirqızı Bəşir Səfəroğlunun 90 illik yubileyinin ABŞ-da keçiriləcəyini də bildirib: "Həmin tədbir 16-20 may tarixlərində keçiriləcək".

Qeyd edək ki, bu il həm də A.Bəşirqızının 60 yaşı tamam olur.