Məşhur “Biq Mak” sendviçinin yaradıcısı vəfat edib

Bakı. 1 dekabr. REPORT.AZ/ Məşhur “Biq Mak” sendviçinin yaradıcısı Cim Delliqati 98 yaşında ABŞ-da vəfat edib.

“Report” xarici KİV-ə istinadən xəbər verir ki, bunu “McDonald’s” restoranlar şəbəkəsinin mətbuat katibi Kerri Ford bildirib.

Onun ölümünün səbəbi açıqlanmayıb.

Qeyd edək ki, C.Delliqati 1967-ci ildə ABŞ-ın Pensilvaniya ştatının Pittsburq şəhərində “McDonald’s”ın yerli obyektinin direktoru olarkən, hamburgerin standart ölçülərini dəyişdirməyi təkilf edib.

Məlumata görə, “MakMaffin” adlı yumurtalı yemək də onun kəşfidir.