İtaliyada ekofəallar məşhur rəsm əsərinə noxud şorbası atıblar

İtaliyanın paytaxtı Roma şəhərində ekofəallar Van Qoqun məşhur "Buğda tarlaları" rəsm əsəri üzərinə noxud şorbası atıblar.

“Report” xəbər verir ki, bu barədə “Associated Press” məlumat yayıb.

“Sonuncu nəsil” ekoloji qrupunun üzvləri öz hərəkətlərini iqlim dəyişikliyinə, qaz hasilatı və karbon emissiyalarına etiraz kimi izah ediblər.

1888-ci ildə çəkilmiş rəsm Niderlanddakı Kröller-Müller Muzeyinə məxsusdur.

Bundan əvvəl ekoloji fəallar Almaniya, Böyük Britaniya və İtaliyada rəsmlərin üzərinə şorba və digər məhsullar töküblər. Van Qoqun, Botiçellinin, Pikassonun, Monenin əsərləri hücuma məruz qalıb.